Challan Form No. 32-A Free Download

Challan Form 32-A PDF Download | Punjab Govt Conveyance & Recovery Treasury Form

Is post ka maqsad yahi hai ke main aap ko Challan Form No. 32-A ka aik simple, updated aur asani se samajh aane wala version provide karun, jise aap free download kar ke print kar saktay hain. Ye form aksar Govt employees ko use karna parta hai, specially jab koi banda leave leta hai ya phir conveyance allowance wapis jama karwana hota hai.

Bohat logon ko ye ni pata hota ke ye form hota kia hai, kahan lagta hai aur kaise fill hota hai. Isi liye main ne yahan poora detail me saba kuch likh diya hai, takay jo banda ye post parhe us ko bilkul tension na ho aur seedha download karke kama chala le.

Challan Form No. 32-A hota kya hai?
Challan Form 32-A aik simple sa payment deposit form hota hai jise Govt of Pakistan ne iss liye rakha hua hai ke jab bhi koi banda Govt treasury me koi paisa jama karwana chahe – chahe wo fine ho, fees ho, allowance return ho ya koi bhi rasmana payment ho – to wo isi form me detail likh kar National Bank ya State Bank me jama karwata hai.

Aksar ye form Punjab Govt employees zyada use karte hain kyun ke jab koi teacher, clerk, officer ya kisi bhi department ka banda leave leta hai aur us leave ke duran Conveyance Allowance allowed nahi hota, to wo amount wapis treasury me jama karwana parta hai. Ye amount jitne din banda leave par raha, us ka conveyance allowance hota hai.

Un paison ko jama karwane ka official tareeqa Challan Form No. 32-A hi hai.

Kon Kon si situations me 32-A Challan lagta hai?

Jab Govt employee leave par jata hai aur conveyance allowance wapis karna hota hai

Jab kisi se overpayment recover ho aur wapis jama karwani ho

Jab koi fee, fine ya dues govt khazany me jama karwana ho

Jab kisi training, course ya document ki official fee pay karni ho

Kisi department ko koi miscellaneous payment return karni ho

Normal log bhi kai cheezo ke liye ye form use karte hain, magar Government employees me ye form bohat common hai.

Ye form kahan use hota hai?

Ye form aap:

National Bank of Pakistan (NBP)

State Bank of Pakistan (SBP)

me jama karwate hain.

Banda form fill karta hai, counter par deta hai, cashier paisa le kar bank stamp laga karta hai, phir aap ko slip de deta hai. Wo stamp lagi hui slip aap apne office me jama karwate hain, jahan se aap ka allowance ya leave ka masla clear hota hai.

Challan Form 32-A ko fill kaise karte hain?

Yahan sab se important point yehi hota hai kyun ke bohat log isi jagah confuse ho jate hain.

Main ne neeche bilkul asan tarike se har step likh diya hai:

1. Department ka naam

Isme aap wo department likhte hain jahan aap ka allowance wapis jana hota hai.

Example:

“Government of Punjab – Finance Department”

2. Head of Account

Ye sab se important hota hai.

Conveyance Allowance return karne ke liye aksar ye head lagta hai:

“A038 – Others Receipts”

(Kuch departments apna specific head dete hain, wo hi likhna hota hai.)

3. Name of Depositor

Yani aap ka naam.

Example:

“Syed Jawad Raza”

4. CNIC Number

Apna CNIC likhna hota hai.

5. Purpose / Particulars

Yahan likhte hain ke kis cheez ka paisa jama karwa rahe ho.

Example:

“Return of Conveyance Allowance for ____ days due to leave.”

6. Amount

Jitna paisa aap ne jama karwana hai wo number me aur words me likhna hota hai.

Example:

Amount: 1250/-

In words: Twelve Hundred and Fifty Rupees Only

7. Name & Signature

Apna sign kar dete hain.

8. Bank Receiving Officer Section

Ye aap ne nahi fill karna, bank wala karta hai.

Bank slip par stamp lag jati hai aur aap ka kaam ho jata hai.

Conveyance Allowance calculate kaise hota hai?

Aik simple tarika yahan likh deta hun jo employees aksar use karte hain:

Step 1: Monthly Conveyance Allowance

For example:

Grade 11 employee ka monthly allowance = 2720/-

Step 2: Daily Rate

Monthly allowance ÷ 30

2720 ÷ 30 = 90.66 (approx 91 rupees per day)

Step 3: Leave ke total days multiply

Example: Leave = 10 days

90.66 × 10 = 906.6

Round off = 907

Ye amount challan me jama hota hai.

Challan submit karne ke baad kya hota hai?

Bank aap ko original receipt de deta hai

Aap wo slip apne office/department me jama karwate hain

Record update ho jata hai

Aap ki leave approve ho jati hai ya jo bhi masla hota hai wo clear ho jata hai

Agar koi employee ye challan jama na kare to aksar:

Leave approve nahi hoti

Service book entry ruk jati hai

Pay me issue ho sakta hai

Audit objection aa sakta hai

Is liye time par challan submit karna zaroori hota hai.

Challan Form No. 32-A Free Download

Challan Form No. 32-A - JPG

Neeche diye gaye link se aap PDF version free download kar saktay hain.

Form bilkul clear, neat aur printable quality me hai

Challan Form No. 32-A PDF Free Download

Is post ka maqsad sirf ye hai ke main aap ko aik aisa updated, simple aur editable form provide karun jo har employee ke kaam aa sakay. Bohat se employees ko bar bar ye form chahiye hota hai, is liye main ne yahan is ko permanently available kar diya hai.

Is post ko kyu save karna chahiye?

Har mahine employees ko challan chahiye hota hai

Yahan har cheez asan lafzon me samjha di gayi hai

Form ready-to-print format me mil jata hai

Har new employee ko bhi ye post samajh aa jati hai

Jab bhi income tax, fees, dues ya koi bhi govt payment ho — ye form kaam aata hai

Aap is link ko save kar lein takay zaroorat par turant form download kar saken.

Visit our website for more government forms and templates: 

https://pakgovtforms.blogspot.com/